Geste de bassesse

Si ou tanne kikene cause de mal pou kikene, faudré pas ou rapporte li ça causé-là parceki ça pas pou faire li plaisir. Li pas bon ki ou gatte ‘mood’ ene dimoune par raconte kitchose négatif ki dimoune fine causé lors li. D’ailleurs pena aukene l’avantage dans conne ceki dimoune pensé lors li. Si jamais ena kitchose ki pas bon avec li, alors bizin guette ene l’autre moyen pli correcte et efficace pou amène li à l’ordre.

Ki but ene dimoune capave ena dan raconte causé kikene à ene l’autre ? En général c’est par méchanceté ki dimoune faire ça. La plupart du temps dimoune envi mette désordre et envi faire so prochain ditort. C’est par la jalousie ki ene dimoune faire ça. Dimoune ki gagne l’information pensé ki la personne pé ranne li service. Mais en réalité pé faire li ene ditort immense parceki li pas capave guette li heureux. Donc li donne li ene nouvelle ki faire li triste et bouleverse so la vie. C’est ene geste de bassesse et li bien néfaste pou aakhirat parceki selon le dire de Nou Nabi ‎(Sallallaahou A'laihi Wasallam)‎, ene dimoune pareille pas pou rente dans jannat. Donc pas attane pou reste dans bien dans aakhirat quand nou pé ranne la vie ene dimoune ene l’enfer dans dounia.

[Extrait de Al Jamiat Vol.5 No.11]