La vie fréquenté

La vie fréquenté c’est purement zina mais nou pas pé prend compte. Divant nou lizié kikene vine dans nou la caze et li fréquente nou tifi!!! Pena doute c’est zina.

Ou fine capave fini faire ene grand fiançailles. Tous les deux familles fine capave fini joine et fine fini fixé date mariage. Mais malgré tous, li pas permette pou garçon-tifi joine ensam avant zotte faire nikah. Là-dans pli grand coupable c’est banne grand dimoune ki zotte préfère zotte zenfant reste dans zina mais zotte pas pou accepté faire mariage-là vite acoze zotte propre plaisir. La vie dans zina c’est la vie rempli avec malédiction Allah Ta’ala.

D’après zotte l’attitude, garçon tifille gagne droit faire tout bêtise mais ça ene ti boute halaal-là même ki pas gagne droit faire ! Zotte gagne droit mangé boire, sorti, alle promené partout mais nikah même ki zotte pas gagne droit faire !

Si nou content nou zenfant, nou bizin faire maximum zeffort pou nou zenfant pas vive dans haraam. Nou bizin pas tardé pou faire zotte nikah pli vite possible. Faudré pas nou tardé acoze ene banne étalage ki pena narien de bon apart ruine nou dounia et nou aakhirat.

[Extrait de Al Jamiat Vol.5 No.13]