Obligation faire namaz

Namaz li vine obligatoire lors ene personne depi ki li vine majeur. Ene garçon li vine majeur d'après shariah quand li commence expérience ceki banne grand dimoune expériencé. Coumsa même ene tifille li vine majeur depi ki li commence gagne so haiz.

Ene garçon li ena possibilité vine majeur apartir l'âge 12 ans et ene tifille apartir l'âge 9 ans. Si jamais aukene symptôme pas manifesté, alors automatiquement à l'âge de 15 ans zotte compte majeur. Donc apartir ki ene dimoune vine majeur, li bizin commence faire namaz. Namaz vine obligatoire lors li.

Néglige namaz sans ene raison valable li ene péché majeur et grave. Par commette ça péché-là, ene dimoune li vine faasiq. Faasiq c'est ene personne ki casse la loi Allah Ta'ala. Ene dimoune pareil li vine ene dimoune ki pas capave faire li confiance. Ene dimoune pareil pas capave diboute témoin. So témoignage pena valeur. Eski li ene honneur ça ki ene dimoune so témoignage rejeté acoze manque de confiance ? Et dans aakhirat so punition et so déshonneur li apart.

[Extrait de Al Jamiat Vol.6 No.1]