Mangé-boire

Allah Ta'ala ordonne nou pou mangé-boire mais li interdit pou dépasse limite. Depasse limite veut dire mange plis ki bizin ou bien reste mangé boire à toute l'heure couma ça li applique pou mange kitchose ki pas bizin.

Donc ene dimoune li bizin mange ene quantité raisonnable ki donne li suffisamment l'énergie pou faire ibaadat et permette assume so banne responsabilité avec facilité. Et li bizin surtout mange kitchose ki pure et halaal. Quand ene dimoune li consomme halaal, alors li gagne la volonté pou faire ibaadat. Par contre si li mange kitchose ki pas halaal, alors d'abord li pas pou gagne l'envie pou faire ibaadat et si li faire aussi, li pas pou ena 'Noor' dans so ibaadat. D'après hadice ene dimoune ki consomme haraam, so doah pas accepté. C'est ene grand défaite si ene dimoune so doah pas accepté. Donc nou bizin guette bien avant nou mange ene kitchose surtout quand nou consomme la chair.

[Extrait de Al Jamiat Vol.6 No.1]