Héritage pou ene missié et trois frères

Question :

Ene madame fine mort et li fine quitte so missié et so trois frères derrière li. Li pena zenfants ni mama papa. Couma pou faire la partage de so di bien ?

Réponse :

D'abord bizin tire dépenses de so l'enterrement sans kit exagération. Apres ça, bizin rembourse so banne dettes si ena. Et si li fine faire kit testament, alors bizin exécute li. Si jamais testament fine dépasse plis ki ene tiers de so dibien ki fine resté après dépenses l'enterrement et remboursement dette, alors pou accepté li ziska ene tiers seulement. A moins si tous banne héritiers d'accord pou exécute li la quantité ki li été. Et finalement bizin divise tout ceki fine resté en 6 parts égal. Madame-là so missié pou gagne 3 parts et chaque frère pou gagne ene-ene part.

[Extrait de Al Jamiat Vol.6 No.2]