Le 30 février !

Allah Ta'ala so Deen li garantie le succès et le bien être eternel pou entier l'humanité à tout niveau. Ene dimoune ki envi réussi dans so la vie sans suive Deen, li pé rode faire l'impossible. Parceki Allah Ta'ala, li ranne la vie ene dimoune misérable quand li tourne le dos avec le message Allah Ta'ala.

Tout ceki nou bizin, li trouve sous control Allah Ta'ala. Pena personne ki capave donne nou kitchose ki Allah Ta'ala fine décide pou pas donne nou. Pena personne ki capave ranne honorable kikene ki Allah Ta'ala fine déshonore li. Pena kikene ki capave ranne la vie ene dimoune agréable ki Allah Ta'ala fine ranne li misérable. Zotte tous impuissant divant puissance et pouvoir Allah Ta'ala. Chaque kitchose et chaque but ena ene moyen pou atteine li. Le moyen pou gagne le véritable succès et le bien être total c'est l'obéissance Allah Ta'ala. Et ça li trouve dans suive Deen. Et Deen ki nou bizin suive c'est le Deen complet.

Suive Deen en partie li pas capave remédié le problème. Bizin suive li dans so forme intégrale et complète. Donc ene l'avenir ki fine brisé par désobéissance bizin être remédié par l'obéissance complète même. Pena aukene chemin apart ça. Rode ene l'autre moyen pou le succès li couma dire ou atane le 30 février. Ou pou reste attane même et mille ou pou ... rier mais ça date février-là pas pou vini.

[Extrait de Al Jamiat Vol.6 No.2]