Imite lezot

Selon ene hadice, celui ki imite kit communauté, li pou être considéré ene parmi banne-là même. Ça signifié si ene musulman suive ene principe de ene l’autre religion, alors li ena chance levé avec banne dimoune de ça religion-là même jour qiyaamat. Coumsa même si ene dimoune li suive la mode et principe de banne ki pas dans Deen, alors li pou levé avec ça banne qualité dimoune-là même jour qiyaamat.

Dans Qour’aan-e-Kareem, Allah Ta’ala empêche nou pou montré nou tendance à banne ki pas dans Deen. Et so conséquence c’est alle dans l’enfer. Donc imite banne ki pas dans Deen li amène dans du feu l’enfer. Fête noël, l’année, souhaite bonne année, célébré l’anniversaire etc. li inclure dans imite lezot ki so conséquence d’après Qour’aan et hadice c’est du feu l’enfer. Li bien chagrinant ceki nou banne jeunes, qui ce soit garçon ou tifille, pé faire. Zotte pé imite banne acteurs et banne actrices dans zotte la coupe et l’habillement. Tout malpropreté ki zotte pé trouvé lors l’écran, zotte pé faire li dans zotte la caze. C’est voila couma le système dajjaal fine rente dans tout la caze musulman. Li vraiment ene insulte à l’égard de celui ki nou content li mais nou apprécié lezot au lieu suive celui ki nou pretanne content li. Zordi jour nou ignoré conné ki la vraie beauté trouve dans ceki shariat préconisé et ceki nou Nabi ‎(Sallallaahou A'laihi Wasallam)‎ fine enseigné. L’oummah fine déboussolé et fine même perdi le sens de gout spirituel ki ti capave permette li découvert la vrai valeur de sounnat de Nabi ‎(Sallallaahou A'laihi Wasallam)‎.

[Extrait de Al Jamiat Vol.6 No.5]