Dounia

Dounia li ene médicament ki bizin prend en cas de nécessité. Et bizin respecté so dose. So overdose li fatal. Ena des fois li vine incurable pou l’éternité ki pas capave être remédié par la mort aussi.

Premier kitchose ki li attaqué c’est le cœur. Ene le cœur rempli avec dounia pou toujours loin avec aakhirat. Dimoune ki content Allah Ta’ala, li pou content aakhirat et Allah Ta’ala vine dans ene le cœur ki pena dounia. L’attachement avec dounia li éloigne ene dimoune de Allah Ta’ala et li jette li dans toute sorte bassesse. Li pas hésité pou cause menti, coquin, embête dimoune et faire ditort à ceki mette obstacle dans so chemin. Sans doute ça pas ene la vie ça. Ene la vie pena Allah Ta’ala li couma dire ene dessin sans couleur ki pena charme. La vie sans Allah Ta’ala li ene la vie ki pena charme. Ene le cœur ki pena l’amour pou Allah Ta’ala li couma ene la caze ki fine dévasté.

Donc charme dans la vie li vine apartir l’amour ki ene dimoune ena pou so Rabb. Et ça l’amour-là li vine apartir faire zikrullah en abondance et reste attaché avec banne ki zotte le cœur rempli avec ça l’amour-là.

[Extrait de Al Jamiat Vol.6 No.6]