Sajdah

Pas gagne droit courbé ou bien faire sajdah divant kikene apart Allah. Nabi ‎(Sallallaahou A'laihi Wasallam)‎ fine dire si ça ti permette pou kikene apart Allah Ta’ala, alors ene madame ti pou gagne l’ordre pou faire ça pou so missié. A la lumière ça hadice-là, nou fine comprend deux points. Premièrement c’est necque Allah Ta’ala li tout seul mérité ki nou faire sajdah devant li. Deuxièmement valeur ki Allah Ta’ala fine donne ene missié dans ene la vie conjugale. C'est-à-dire le respect ki ene madame li bizin ena pou so missié. Et ena ene troisième kitchose encore ki nou comprend là-dans. C'est-à-dire si ene madame li bizin ena tant de respect pou so missié quand pourtant li ene humain couma li, alors ene dimoune ki quantité obligé li bizin senti li envers so Rabb et so Créateur ki fine crée li et fine accorde li tout ceki li bizin pendant toute longue so l’existence ?

La posture de sajdah li ene posture ki très très appréciable. C’est ene posture cote ene serviteur li pli approché avec so Rabb. D’après hadice pena aukene posture ki capave approche ene serviteur avec so Rabb plis ki la posture de sajdah. Acoze ça Nabi ‎(Sallallaahou A'laihi Wasallam)‎ fine recommande pou faire doua dans ça posture-là.

[Extrait de Al Jamiat Vol.6 No.6, 9]