Assez drole

Tout dimoune conné ki difé li brulé, poison li touyé et nou tout conné ki de l’eau li teigne la soif couma li teigne difé. Donc dimoune li pas joué avec difé parceki li conné ki li capave brulé. Li reste loin avec poison parceki li conné ki manque-manqué li capave perdi so la vie. Coumsa même personne pas pou mette so le doigt lors ene difil courant parceki li conne so conséquence.

Tout ceki nou faire dans dounia li ena ene conséquence et ene l’effet. Bon travail pou ena bon l’effet et mauvais travail pou ena mauvais l’effet. Mais dimoune pas prend sa compte. Acoze ça, zotte pas faire bon travail et l’autre coté zotte pas peur pou faire mauvais travail. Mentalité en général li coumsa même. Quant à ene musulman ki croire dans jugement jour qiyamat et ki ena imaan lors ceki Allah Ta’ala ek so Rasool ‎(Sallallaahou A'laihi Wasallam)‎ fine dire mais malgré ça li continué amène so la vie dans négligence et l’insouciance, alors li paraite assez drôle. Sinon nou bizin accepté ki nou imaan li pas ça fort la. C’est ene faiblesse dans nou imaan même ki faire nou pas applique ceki ena dan Qour’aan et hadice malgré ki nou pé capave lire li et enseigne li gramatin tantôt. Ou bien nou imaan lors ene l’autre kitchose li pli fort ki ça imaan ki bizin ena lor parole de Deen. Bizin traite ça croyance-là par médite lors hisaab kitaab ki pou ena le jour de Qiyamat.

[Extrait de Al Jamiat Vol.6 No.10]