Meilleur cadeau

Ene meilleur cadeau dans dounia c’est ene madame ki suive so Deen. Suive Deen veut dire réglé entier la vie d’après l’ordre Allah Ta’ala et principe de Rassouloullah ‎(Sallallaahou A'laihi Wasallam)‎. Dans ça sens-là ene bon madame c’est celle ki réglé entier so la vie d’après Deen. Ene madame dans Deen pas capave désobéir so missié. C’est ene madame ki pas conne Deen ou bien ki pena volonté pou applique ceki li conné dans Deen même pou désobéir so missié. Quant à ene madame ki vraiment Deendaar, li pou reste dans l’obéissance so missié. Faudré pas pensé ki obéir missié li pena narien à faire avec la piété. Au contraire sans ça, ene madame pas capave être considéré comme ene madame pieuse et Deendaar.

Allaamah Fakruddeen Ar-Razi dire dans so tafseer Al-Kabeer :

“Ene madame pas capave être pieuse tanque ki li pas obéir et écoute so missié parceki Allah Ta’ala fine dire : -

فَٱلصَّـٰلِحَـٰتُ قَـٰنِتَـٰتٌ

c'est-à-dire « Banne madames pieuses c’est banne ki obéissantes ».

Selon ene hadice, meilleur madame c’est ene ki plaire ou quand ou guette li, li obéir ou quand ou dire li faire kitchose et ki préserve li même et ou dibien dans ou l’absence. Quand nou dire obéir missié, ça li applique pou banne kitchose ki permette dans shariah. Obéir missié li louable mais pas dans banne kitchose ki interdit. Par exemple ene madame pas gagne droit obéir so missié si li dimane li pou tire so pardah et vine assize à table avec banne membres de la famille ki pas mahram couma beau-frère, cousins, kalou, poupa etc. Coumsa même ene madame pas gagne droit écoute so missié si li dire li épile so sourcils ou bien li dire li garde longue zongle ou bien mette teinture lors zongle ou bien taille cheveu parceki pas gagne droit écoute kikene ou obéir kikene dans ene kitchose ki interdit dans shariah.

[Extrait de Al Jamiat Vol.6 No.12]