Sens esthétique spirituel

Sounnat li embellir ene pratique. Sans sounnat ene pratique pena so beauté. C’est necque par Noor de sounnat ki ene pratique li vine joli.

Ene pratique pas capave existé sans observe kitchose ki faraz là-dans mais pas pou ena Noor là-dans si néglige sounnat.

Dimoune ena tendance prend sounnat avec légèreté. Zotte prend ca pou pas important acoze ki ene pratique capave existé dans ene façon valable sans sounnat. C’est ene erreur capitale ki même banne ki ena connaissance aussi zotte là-dans. D’après zotte c’est l’essentiel ki compté. Ki bizin ena dans ene dimoune pou li considéré comme ene dimoune ? Eski li nécessaire ki so la main li pied bon pou li considéré comme ene dimoune ? Ki arrivé si tout bon dans li mais li ena ene néné coupé ou bien li pena sourcil ? Eski li ene dimoune ? Normalement li ene dimoune et li ena droit couma tout dimoune ena. Mais ki sanla parmi nou ti à content vine coumsa ? Pena kikene ki dire ki ici aussi li contente li avec l’essentiel. D’ailleurs ene quantité la monnaie dimoune dépensé pou reste jeune ou pou paraite jeune. Tout dimoune envi paraite joli. Donc tout dimoune ki ena ene sens esthétique, pas capave faire ene pratique sans observe le sounnat de Nabi ‎(Sallallaahou A'laihi Wasallam)‎. Néglige sounnat li ene signe de grossièreté ki capave alle ziska ranne ene dimoune bien malheureux.

[Extrait de Al Jamiat Vol.7 No.1]