Le temps ki ene veuve bizin attanne avant ki li capave refaire nikah

Question:

Ene madame so missié fine intiqaal. Combien le temps li bizin atan pou li capave faire refaire nikah. Ena dimoune dire li bizin attane ene an. Eski li vrai ?

Réponse :

Ene madame ki so missié fine intiqaal bizin observe so iddat avant li capave faire nikah. So iddat c’est 4 mois dix jours. Avant ça li pas capave faire nikah. A moins si li enceinte, alors dans ca cas-là li bizin attane ziska l’accouchement. Et l’accouchement-là li capave dans moins ki 4 mois 10 jours couma li capave plis ki ça aussi. Iddat de 4 mois 10 jours li applique pou ene madame ki pas enceinte. Quant à ene madame ki enceinte, alors so iddat pou terminé à peine li accouché.

[Extrait de Al Jamiat Vol.7 No.1]