Le Riddah

Riddah c'est ene offense ki signifié sorti depi dans Deen après avoir accepté li. La personne ki commette ça appelle li ene mourtadd. C'est ene offense bien bien grave. Ene mourtadd li dans ene pli faille position ki ene kaafir d'origine. Et so punition aussi li pli sévère. Ene personne ki commette ça dans ene l'état islamique, li mérite la peine capitale si li pas repentir et rétracté.

Ene personne ki commette ça, so nikah cassé et so banne ibaadat annulé et vine à zéro. Si li fine déjà faire hajj auparavant, alors ça hajj-là li tombé. Quand li re amène imaan li pou bizin refaire hajj si li ena le moyen. Coumsa même li pou bizin refaire so nikah. Quant à banne ibaadat couma namaz, roza, zakaat etc ki fine annulé, alors pena pou remplacé.

Banne façons ki ene dimoune capave  vine mourtadd

Ene dimoune li vine mourtadd quand li change so la religion. Par exemple li vine chrétien ou bien juif ou bien li rente dans ene l'autre religion. Coumsa même si li rente qadiani ou bien shia.

Li pas nécessaire ki li rente dans ene l'autre religion même pou li vine mourtadd. Rejette ene kitchose fondamental de Deen couma namaz ou bien zakaat ou bien roza ou hajj ou bien kit parti depi dans Qour'aan-e-Kareem aussi li faire ene dimoune vine mourtadd.

En principe refuse accepté ene kitchose ki prouvé dans ene façon nette et claire li faire ene dimoune vine mourtadd. Faire bouffon ou moquerie avec ene principe de Deen aussi li ene pratique bien grave ki faire ene dimoune vine mourtadd.

Si ou pas pratique ene kitchose par négligence ou la paresse, alors li boucou moins grave ki faire moquerie de ene simple pratique de Deen parceki la moquerie li faire ene musulman perdi so imaan. Bizin faire bien attention.

Sanction ene mourtadd

Riddah li représente ene trahison envers l'islam. Ene personne ki vine mourtadd dans ene l'état Islamique, li mérite la peine capitale si li refuse pou repentir et rétracté. Selon ene hadice ki trouve dans Sahih Boukhari, Nabi ‎(Sallallaahou A'laihi Wasallam)‎ fine dire :

من بدل دينه فاقتله

"Celui ki change so la religion, alors exécute li."

Ça hadice-là fine être rapporté par Hazrat Abdullah Bin Abbaas ‎(Radiyallahou anhou‎)‎, Hazrat Ali ‎(Radiyallahou anhou‎)‎, Hazrat Anas ‎(Radiyallahou anhou‎)‎, Hazrat Aisha ‎(Radiyallahou anhou‎)‎, Hazrat Mou'awiyah Bin Hayda ‎(Radiyallahou anhou‎)‎, Hazrat Jareer ‎(Radiyallahou anhou‎)‎, Hazrat Mou'aaz Bin Jabal ‎(Radiyallahou anhou‎)‎, Hazrat Abou Hourairah ‎(Radiyallahou anhou‎)‎, Hazrat Ismah Bin Qais ‎(Radiyallahou anhou‎)‎.

Malgré tous ça-là ena banne " islamologues" ki fine trouve li sage pou banne raisons ki zotte même conné pou refuse ça sanction-là par servi ene langage maquillé ki à la fois capave calmé banne occidents et en même temps induire banne musulmans dans confusion.

[Extrait de Al Jamiat Vol.7 No.3]