Mangé dan poubelle

La polygamie ou bigamie fine existé de tout le temps. Mais dimoune qualifié li de tous banne vilain noms ki zotte gagné. Quand nou dire li existé, ça pas veut dire ki nou pé encourage dimoune faire li. C’est zisse pou montré ki li ene pratique tout à fait halaal. Ene kitchose ki Rassouloullah ‎(Sallallaahou A'laihi Wasallam)‎ et so banne Sahaba-e-Kiraam fine pratiqué, faudré pas critique ça. Ena chance perdi imaan. Bizin bien prudent quand coze ça. Faudré pas nou guette ceki lezot pensé lors-là. Zotte fine toujours guette li avec ene mauvais regard mais finalement ki zotte fine faire ? Zotte fine légalise banne pratiques couma homo sexualité et lesbianisme. Ça pas fini là même. Zotte blâme banne ki condamne ça. D’après zotte ou pou bizin avale ça banne bêtises-là pou ou vine fréquentable. Sinon ou pou toujours ene bête noir. Plis ki ça, zotte félicite et encourage banne ki dévoile ça tendance-là. Ça même dire quand ou refuse bon mangé et ou lève néné avec bon kitchose, bé ene jour ou pou mange banne mangé ki fine jetté dans poubelle.

[Extrait de Al Jamiat Vol.7 No.11]