Sounnat de Nabi ‎(Sallallaahou A'laihi Wasallam)‎

Sounnat de Nabi ‎(Sallallaahou A'laihi Wasallam)‎ c’est ene kitchose bien appréciable et formidable. C’est ene kitchose ki embellir nou la vie. C’est ene kitchose ki illumine nou le cœur et nou l’esprit. C’est banne ki vraiment heureux ki gagne la volonté pratique li. C’est ene signe de l’amour ki ene dimoune ena pou Nabi ‎(Sallallaahou A'laihi Wasallam)‎. Pratique ene kitchose de Deen sans observe sounnat de Nabi ‎(Sallallaahou A'laihi Wasallam)‎ li ene mangé sans disel et ene dessin sans couleur. Vrai saveur de ibaadat li trouve dans faire li en observant le sounnat de Nabi ‎(Sallallaahou A'laihi Wasallam)‎. Allah Ta’ala pas apprécié aukene ibaadat ki fine faire li sans observe le sounnat de Nabi ‎(Sallallaahou A'laihi Wasallam)‎. Couma dire ibaadat li ene document ki pou ena so valeur ki faire li être considéré zisse quand li ena stamp de sounnat lors-ça. C’est parceki Allah Ta’ala fine envoye Nabi ‎(Sallallaahou A'laihi Wasallam)‎ comme ene model ki bizin suive. Donc tous banne ibaadat bizin accomplir li d’après ça même model pou li être apprécié dans regard Allah Ta’ala.

Nabi ‎(Sallallaahou A'laihi Wasallam)‎ li le bien aimé Allah Ta’ala. Nabi ‎(Sallallaahou A'laihi Wasallam)‎ so sounnat li très apprécié par Allah Ta’ala parceki mehboob (bien aimé) so ada (façon) li toujours appréciable et admirable. Banne ki suive mehboob aussi zotte vine Mehboob Rabbaani (bien aimé Allah Ta’ala).

Néglige sounnat de Nabi ‎(Sallallaahou A'laihi Wasallam)‎

Néglige sounnat de Nabi ‎(Sallallaahou A'laihi Wasallam)‎ li indique ene manquement dans mouhabbat pou Nabi ‎(Sallallaahou A'laihi Wasallam)‎. Couma ene ki pretanne content Nabi ‎(Sallallaahou A'laihi Wasallam)‎, capave permette li faire le contraire de Nabi ‎(Sallallaahou A'laihi Wasallam)‎ ! Ça aussi appelle mouhabbat même ça ? Pli sire ki nou pé prend ene l’autre kitchose pou mouhabbat. Parceki mouhabbat vine par admiration. Et admiration li faire ou suive et imite celui ki ou admiré. Acoze ça Nabi ‎(Sallallaahou A'laihi Wasallam)‎ fine dire : « Celui ki content mo sounnat même ki content moi. » Donc ça content ki bizin content Nabi ‎(Sallallaahou A'laihi Wasallam)‎, li pas capave existé cotte ena négligence pou sounnat de Nabi ‎(Sallallaahou A'laihi Wasallam)‎.

Ene dimoune bizin pose li même question ki faire li taille so cheveu d’après la coupe banne lezot au lieu suive Nabi ‎(Sallallaahou A'laihi Wasallam)‎. Ki fer so pantalon couvert so cheville quand li tout à fait contraire à la façon de Nabi ‎(Sallallaahou A'laihi Wasallam)‎ et quand li conné ki li ene façon détestable dans regard Allah Ta’ala. Kifer et kifer et encore kifer li pas respecté sounnah de Nabi ‎(Sallallaahou A'laihi Wasallam)‎ dans mariage en particulier et dans tous banne aspects de la vie en général. Ena tant de question ki pas capave reponne sans hésitation et ki derrière la prétention ki nou content Nabi ‎(Sallallaahou A'laihi Wasallam)‎. Sinon li inconcevable pou ene dimoune ki conne beauté sounnat de Nabi ‎(Sallallaahou A'laihi Wasallam)‎ pou ena charme et charmé de kikene so charme.

[Extrait de Al Jamiat Vol.7 No.11]