Sounnat Mou’akkadah

Sounnat Mou’akkadah c’est ene pratique ki pas faraz (obligatoire) mais ki Rassouloullah ‎(Sallallaahou A'laihi Wasallam)‎ fine pratique li tout le temps. Sans cas oblige, li pas fine quitte li.

Alors fodé pas prend li avec légèreté. Boucou dimoune pensé ki capave pas faire li acoze ki li sounnat. Mais c’est ene erreur et ene erreur capital parceki prend l’habitude quitte sounnat mou’akkadah c’est ene péché. Li vrai ki so gravité li relativement moins ki ça péché ki ena dans néglige ene faraz ou bien dans commette ene haraam. Mais ena péché dans prend l’habitude néglige sounnat mou’akkadah. Bizin faire boucou attention. Bizin bien prudent et faire boucou attention parceki dans néglige sounnat ena péché quand fine faire li par la paresse ou par manque de volonté. Mais si jamais fine néglige li par mépris ou sous estimation, alors ça li amène ene dimoune ziska kufr aussi.

[Extrait de Al Jamiat Vol.7 No.11]