Fréquenté

Garçon tifille pas gagne droit fréquenté avant nikah. C’est ene la vie dans haraam. Malheureusement banne parents aussi zotte tolère ça pratique-là. Banne parents ki content zotte zenfants, zotte bizin pas occasionne ça pratique-là. Zotte mette zotte zenfants sous malédiction divine. Et l’autre coté zotte aussi gagne malédiction Allah Ta’ala. Ki ena si fini marié zotte ene fois ? Eski banne préparations et banne fantaisies pli important ou bien évite haraam ki pli essentielle ? Acoze nou banne fantaisies personnelle nou retarde mariage. Et ça induire nou dans banne bêtises ! Ene musulman li bizin reste pure et propre. Li bizin pas tombe dans ene bassesse pareille. Pena narien ki pli important et pli précieux ki bénédiction Allah Ta’ala. Et nou gagne li quand nou garde nou loin de haraam. Sinon nou pou toujours indigne et dans la bassesse quand même combien dimoune prend nou pou l’honorable ou bien nou même nou prend nou pou respectable parceki c’est comportement ene dimoune ki définir so personnalité. Non pli ceki li paraite dans lizié dimoune.

[Extrait de Al Jamiat Vol.7 No.11]