Aisha Bint Abou A’sim

D’après le Siyar A’laam An-Noubalaa de Allamah Az-Zahabi (décédé en 748 H), Aisha Bint A’sim ti ene madame bien dans Deen. Li fine reste sans mangé sans boire pendant plis ki 20 bananés. Allamah Az-Zahabi dire ki li fine tanne ça avec plusieurs personnes ki ti dans madame-là so l’époque. Vraiment étonnant ! Mais quand Allah Ta’ala oulé, tout kitchose capave arrivé. Coumsa même ti ena ene l’autre madame dans l’époque de Al-Mou’tadwid ki ti reste sans mangé boire pendant plis ki 20 bananés. Mangé boire li ene moyen pou reste vivant. Mais ça moyen-là li ene moyen secondaire. Moyen principal c’est la volonté divine. Allah Ta’ala pas bizin aukene moyen. Li capave garde vivant sans mangé boire et sans l’oxygène. Banne kitchose coumsa appelle li Mou’jizah quand li vine de la part ene Nabi. Et appelle li Karaamat quand li vine de coté ene wali. C’est Allah Ta’ala ki faire Mou’jizah et Karaamat manifesté. Et narien pas impossible pou li. C’est banne kitchose possible et ça possibilité-là fine déjà réalisé et fine rapporté dans banne livres authentique par banne façon authentique. Pena aukene raison ki nécessite pas accepté ça. Pena aukene preuve dans Qur’aan, hadice ou Fiqh ki dire bizin rejette banne anecdote similaire. Refuse accepté li et faire bouffon de banne ki raconte ça li pas basé lors aukene preuve. C’est purement nafsaaniyyat si li pas l’ignorance.

[Extrait de Al Jamiat Vol.7 No.14 & 15]