Chemin Allah

Chemin Allah c’est chemin de hidaayat. Lezot chemin apart chemin Allah c’est banne chemin de la perdition et de l’égarement.

Chemin Allah nou gagne li par suive Nabi ‎(Sallallaahou A'laihi Wasallam)‎ so méthode et so tareeqah. Et nou bizin banne ‘Ulama pou conne li et pou comprend li. Banne ‘Ulama c’est banne véritable héritier de Nabi ‎(Sallallaahou A'laihi Wasallam)‎. Nabi ‎(Sallallaahou A'laihi Wasallam)‎ so mission c’était pou amène nou vers chemin Allah Ta’ala. Apres Nabi ‎(Sallallaahou A'laihi Wasallam)‎, ça mission-là et ça responsabilité-là li vine lors banne ‘Ulama-e-Kiraam.

Le public en général bizin suive banne ‘Ulama pou gagne ça chemin-là sinon pou tombe dans l’égarement. Vire le dos avec banne ‘Ulama li vine apartir débalancement dans Deen. Li pas ene bon signe si kikene éprouve ene allergie pou banne ‘Ulama. Fodé pas pensé ki pas nécessaire ‘Ulama pou conne Deen. C’est plitot ene inspiration satanique.

Li vrai ki pas tout ‘Aalim ki bon. Mais ça aussi li vrai ki pas tout ‘Aalim ki mauvais. Dans tous domaine ena bon et mauvais. Nou rode ceki bon-là. Coumsa même nou bizin rode banne bon ‘Aalim. Ene bon ‘Aalim c’est ene kikene ki fine apprane Deen dans ene façon professionnelle avec banne ki professionnel dans Deen. En sus de ça li bizin pas soif pou l’honneur ni li galoup derrière dounia. Li bizin ranne verdict d’après shariah avec impartialité. Ene bon ‘Aalim pas veut dire ene ki accepté tout ceki ou dire li. Li ena ene principe ki basé lors Shariah et li suive strictement ça principe-là. Ene vrai ‘Aalim c’est ene ki ena le courage pou implémente le principe de Deen quand même si ça ranne li impopulaire parceki so but c’est faire Allah Ta’ala plaisir. Li pas faire concession avec le but pou gagne kit faveur ou service de la part de kikene.

[Extrait de Al Jamiat Vol.8 No.1]