Non et Non

« Et pas montré ou tendance envers banne ki fine faire l'injustice sans quoi difé pou enveloppe avec ou...» (V113/S11)

« Banne ki fine faire l'injustice » signifié banne ki zotte comportement li en dehors cadre islamique. Ça couma li applique pou banne non musulmans, li applique pou banne musulmans ki pas sérieux dans Deen aussi. D'après ça verset-là, nou pas gagne droit montré appréciation pou comportement et banne façons de banne ki pas sérieux dans Deen. Banne systèmes et banne traditions de ça genre de groupe-là li vine sous l'interdiction ça verset-là. Imite banne acteurs, actrices ou banne célébrités li interdit ki li ouvert chemin de jahannam. Banne jeunes ki pé faire toute sorte grimace avec zotte le corps dans imite banne perverse bizin prend conscience. Li pas ça simple ki nou prend li là. Li bien grave parceki avec nou la coupe cheveu, tatouage, piercing etc nou pé vive 24 lors 24 sous colère Allah Ta'ala et so malédiction.

Ena kit l'avenir dans vive dans ene façon pareil ? Définitivement Non et Non. Nou capave pé paraite extra ordinaire pou banne regard contaminé du public mais sans doute nou ene dernier vilain dans regard Allah Ta'ala. Rassouloullah ‎(Sallallaahou A'laihi Wasallam)‎ c'est le model ki bizin suive. C'est le model ki Allah Ta'ala fine proposé et imposé. C'est ça même ki Allah Ta'ala content et apprécié. Ena kit raison valable pou pas suive ça personnage admirable-là ? C'est à nou pou guetté ki avec ki sanla ki nou envi été ? Avec ça banne groupe ki pé vive sous colère Allah Ta'ala ou bien avec Rasouloullah ‎(Sallallaahou A'laihi Wasallam)‎ ? Nabi ‎(Sallallaahou A'laihi Wasallam)‎ fine dire : « Celui ki imite ene groupe, alors li forme parti de ça groupe-là »

Suive Nabi ‎(Sallallaahou A'laihi Wasallam)‎ pou faire nou vine avec Rasouloullah ‎(Sallallaahou A'laihi Wasallam)‎ et les bien aimés Allah. Ena kit plaisir ki dépasse ça plaisir levé avec Rasouloullah ‎(Sallallaahou A'laihi Wasallam)‎ et vine dans so groupe?

Définitivement Non et Non !

[Extrait de Al Jamiat Vol.7 No.12]