Arrête nuire ou même

Ene dimoune ki so la vie li pas d’après Deen, d’abord li faire li même ene ditort immense. En plis de ça li ene nuisance pou entier l’humanité. So péché ki li commette li attire la colère et malédiction de coté Allah Ta’ala. Ça li ferme la porte banne faveurs Allah Ta’ala ki dessane lors ça le monde-là en forme la pluie, la santé, la prospérité et la joie. Dans ça façon-là li nuire lezot aussi. Acoze ça banne zanimau aussi avoye malédiction lors ene dimoune pareil. Ça nuisance-là li pas épargne so banne proches et so banne bien-aimés.

De ce fait ene dimoune perverse li ene l’ennemi de so banne proches aussi. Nabi  fine qualifié la mort de ene personne semblable comme ene soulagement pou toute la création.

"... والعبد الفاجر يستريح منه العباد والبلاد والشجر والدواب"

« Banne dimoune, banne l’endroits, banne zarbres et banne zanimau zotte soulagé par la mort ene personne perverse. »

Acoze ça, ene dimoune bizin non seulement pas faire péché mais li bizin pas occasionne et vine ene moyen dans ene péché. Sinon en réalité dans le désir pou divertir dans banne l’amusements sans frontière nou pé enchaine nou même et nou pé ranne nou misérable.

Donc nou libère nou même par vine dans Deen et nou enchaine nou même quand nou libère nou de Deen.

[Extrait de Al Jamiat Vol.8 No.1]