Vise akhirat

Ene flèche li capave la chasse ene cerf couma li capave touye ene khinzeer (porc). Tout dimoune conné différence ki ena entre les deux. Coumsa même ça la langue ki trouve entre ça deux la mâchoire-là capave faire ou rente dans jannat ou bien li capave jette ou dans l’enfer. Ça depanne couma nou servi li. Similairement chaque tasbeeh ki nou faire, li représente ene zarbre dans jannat. Ça donne nou ene l’idée ki quantité zarbre dans jannat nou pe perdi derrière banne pratiques et activités futile et inutile. Ena grand défaite si nou pas conne servi nou même. Nou bizin vise aakhirat à travers tout ceki nou faire.

[Extrait de Al Jamiat Vol.8 No.2]