Rebondissement

Tout ceki ou faire, li pou rebondir lors ou. Pense bien avant ou agir parceki ou pou recevoir ceki ou donné. Dans tout ceki nou faire nou bizin bien prudent parceki nou pé gagne zafaire avec ene Rabb ki conne tout, ki ena tout pouvoir et ki juste. Jamais Allah Ta’ala pou laisse kikene faire dominere avec kikene. Si li pas trouve narien ki pé arrivé, fodé pas li pensé ki tout fine teigne. Allah Ta’ala li pas blié. Li même conné quand, coumaniere et ki sanction li pou prend. Tout ceki nou faire li ena ene rebondissement. Ça même ki nou appelle Sawaab (récompense) et Iqaab (sanction). Si nou faire bon, c’est ene bon kitchose ki pou vine vers nou et si nou faire kitchose malpropre, c’est malpropreté même ki pou rebondir lors nou. Chaque dimoune ki faire mauvais, li ene prisonnier de so banne mauvaise actions. Ene dimoune li enchaine li même par mauvais ki li faire. Ene dimoune libre c’est ene kikene ki obéir so Rabb et li pas faire kikene ditort. Par l’amour ki li ena pou so Rabb, li débarrasse li de ça banne manières ki crée bestialité et férocité dans li. Banne manières ki faire li dessane enbas ene niveau cote pena insaniyat.

[Extrait de Al Jamiat Vol.8 No.3]