Couma vine bon

Ene dimoune bizin pas découragé quand même li fine capave faire ene tas gaffe dans so la vie. Apres noireté la nuit, ena l’éclairage soleil. Chaque couché du soleil li ene préparation pou ene levé du soleil. Faudré pas perdi l’espoir. Ene la vie ki fine noirci et brisé par péché capave vine en état neuf et tout capave dressé.

D’abord faire tawbah. C'est-à-dire dimane pardon avec Allah avec ene le cœur rempli de regret pou le passé. Prend ene décision ferme pou pas retourne dans le passé et pou tourne ene page. Dimane excuse avec banne ki fine affecté avec ou malcomportement dans le mesure du possible. Rembourse dette ki ou doit. Si dimoune-là fine mort, alors retourne ça so banne héritiers. Si pas conne dimoune-là so banne héritiers, alors donne en sadaqah ça somme ki ou supposé remboursé, de la part de la personne. Remplace banne namaz et roza ki fine ratté dans le passé. Faudré pas stressé et fatigue la tète avec ça banne remboursement-là. Faire l’intention et commence faire li tigit tigite. Allah Ta’ala pou faire complète li avec facilité et dans ene tigite jours même.

Vine ponctuel dans 5 fois fois namaz avec jamaate dans masjid. Tire ene ti le temps pou lire Qur’aan. Préserve lizié zoreille et la bouche. Voilà ça c’est ene prescription pou vine bon et prés avec Allah Ta’ala. Li pas dimane certificat ni diplôme pou faire li. Tout dimoune capave faire li. Mais bizin la volonté et la sincérité. Ça c’est banne kitchose ki bizin faire dans commencement. Au fur et a mesure ça capave augmenté aussi.

[Extrait de Al Jamiat Vol.8 No.3]