Vrai izzat

Izzat ki ene dimoune ena dans lizié public li ene izzat ki pena aukene garantie. Public capave content li lors ene certaine critère ou certaine talent ki pas nécessaire continué ena dans li. Et souvent nou trouvé ki public so tendance et so gout changé. Li rode nouveauté et changement. Finalement li trouve ceki li admiré auparavant ene monotone. Li délaisse ceki li ti admiré auparavant pou li content ene l’autre. Voila ça c’est dounia ki content ou acoze so propre l’avantage ki pena sincérité. Souvent arrive ça dans carrière banne célébrités.

Vrai izzat c’est ene izzat ki ene dimoune ena dans lizié Allah Ta’ala. Ene izzat ki ene dimoune gagné de coté Allah Ta’ala, c’est ene izzat ki resté. Et ça li gagne li quand li faire Allah Ta’ala content li par so bonne conduite.

[Extrait de Al Jamiat Vol.8 No.3]