"Nip it in the bud"

Ene jeune fine plante ene pied mangue divant so la porte. Zarbe fine bien prend et fine bien vine joli. Mais malgré ça, papa ça jeune-là fine déracine ça zarbre-là.

Jeune-là fine extra en colère et fine cause tout mauvais causé ki fine vine dans so la bouche. Et fine ena aussi ene banne ki fine approuve li. Mais tout banne ki ena l’expérience, zotte donne papa-là parfaitement raison parceki papa fine agir avec toute la sagesse. Li conné ça zarbre mangue-là li ene espèce rare ça. Mais li préfère sacrifié li au profit de so la caze ki fine coûte li boucou pou construire. Li conné ki après quelque temps, ça zarbre-là pou casse so la caze avec so banne gros-gros racine.

Donc nou bizin pas guette ene kitchose dans la forme actuelle ki li été quand nou ena pou prend ene décision. Nou bizin guette ene ti pé pli devant. C’est banne dimoune ki ena l’expérience ki capave guette ça "ene ti pé pli divant-là" pou nou. Lors ça même base, shariat fine interdit la photographie de banne kitchose ki ena la vie. Parceki ça même fine amène dimoune vers idolâtrie dans le passé ki ziska zordi li encore existé. Autorise banne madame vine faire namaz dans masjid aussi bizin analyse li par le même raisonnement. Sinon nou bizin conné ki l’histoire li répété. Faudré pas nou permette nou vine la première marche dans ça l’escalier ki pou amène vers la dégradation dans la fin. Faudré pas attane ziska dernier l’heure. Bizin prend précaution depi avant même. Vaut mieux perdi ene manque à gagné ki perdi depi dans poche.

[Extrait de Al Jamiat Vol.5 No.9]