Conseil

Pas interfère avec kitchose ki pas concerne toi

 « Pas interfère avec kitchose ki pas concerne toi. Prend to garde avec to l’ennemi. Garde to distance avec to camarade. Et pas garde confiance lors to camarade intime excepté ene ki li honnête. Et pena personne honnête apart ene ki ena la frayeur Allah Ta’ala. » (Hazrat ‘Umar ‎(Radiyallahou anhou‎)‎‎)

[Extrait de Al Jamiat Vol.7 No.11]

La santé

Ou conne valeur ene kitchose quand ou perdi li. Zordi nou ena la santé. Mais nou pas conne so valeur parceki nou trop ena li. Coumsa même arrivé quand nou ena ene kikchose en grande quantité ou en abondance. La jeunesse li représente le courage, l'énergie et la santé. Rarement ene jeune li conne valeur ça banne faveurs-là. Acoze ça zotte mal servi li. Capave zotte jeune âge ki pas permette zotte comprend ceki zotte ena ziska ça niveau-là. Mais ena ene kitchose ki appelle expérience.

La vie dans difé

Si ou envi vive dans bien, alors arrête faire péché. Sinon la vie pou dans difé même quand même ou capave pas pé senti li mais quand soulaison pou cassé, li pou trop tard. Tout ceki ou fine capave faire de négatif dans ou la vie, capave effacé ça. Necque ou ena pou plaigne ou misère avec Allah Ta'ala et dimane li pardon. Ça li pou faire la vie vine en rose couma peché ti faire li vine dans difé.

[Extrait de Al Jamiat Vol.6 No.1]

Faire ou choix

Aakhirat li eternel et dounia li temporaire. Si ou content dounia ou pou nuire ou aakhirat et si ou content ou aakhirat, alors ou pou bizin accepté faire ou dounia souffert quelque part. Nou bizin guetté ki nou pou perdi pou gagne quoi. Eski li pas vrai ki bizin perdi temporaire pou gagne eternel ? Eski li pas vrai ki pas capave mette la caze en gage acoze ene la tente lors la plage ? Donc bizin donne aakhirat priorité parceki li eternel et nou tous ena pou vive pou tout le temps là-bas. Sans doute ene bon musulman li bizin faire ça même.

Pas premier pas dernier

Ou pas ça premier dimoune ki ou ena ceki ou ena ni ou le dernier dimoune. Avant ou fine ena ki ti ena ceki ou ena et après ou aussi pou ena dimoune ki pou ena ceki ou ena. Ou commencement depi dans la terre et ou pou alle fini dans la terre.

"Nip it in the bud"

Ene jeune fine plante ene pied mangue divant so la porte. Zarbe fine bien prend et fine bien vine joli. Mais malgré ça, papa ça jeune-là fine déracine ça zarbre-là.

Façon pli facile pou corrige nou erreur

Quand nou fine faire ene erreur, faudré pas nou déconcerté et nou rode justifié li. Pli simple nou accepté nou erreur, nou faire tawbah et nou prend précaution pou pas refaire li dans l’avenir.

Syndicate content