Réflexion

Quand ou fine vine lors la terre, ou fine prend naissance, ou ti pé ploré, dimoune et ou proche ti pé riyé. Vivre lors ça la terre là dans ene façon ki quand ou pé mort, ou pé riyé et dimoune pé ploré. Ou pé riyé parceki ou pou alle joindre ou Rabb et dimoune pé ploré parceki zotte pé séparé avec ene bon dimoune.

[Extrait de Al Jamiat Vol.2 No.2]

Faudré pas décourage ene dimoune faire ene bon travail acoze kit défaut ki ena dans li. Zordi jour nou dans ene l'époque cote banne dimoune pé éloigné avec Deen. Tanque capave bizin encourage zotte faire bon. Acoze ene péché ki zotte pé faire, faudré pas décourage zotte faire bon travail. Par exemple si ene dimoune pas faire aukene namaz apart Jummah, alors faudré pas dire li "ki Jummah ou faire quand ou pas faire les autres namaz?" Bizin toujours félicite li pou ça jummah ki li pé faire-là et encourage li pou faire les autres namaz faraz.

Disons quand ou coupable ou paye sentence, ou capave comprend et ou capave console ou. Mais quand ou innocent, sa li paraite bien dur. Ou bizin pense les zotte aussi pareil. Parceki zotte aussi, zotte ena ene le coeur. Zotte ena ene sentiment. Zotte ena toute ene la famille derrière zotte ki souffert quand zotte souffert. Zotte aussi zotte dimoune ki fine faire avec la terre. Zotte pas fine faire avec roche. Acoze sa bizin pas interfère avec banne ki innocents. Ou pas pou récolté narien apart la misère, malheur et souffrance.