Taqleed-Mazhab

Transformateur

Pas tout difil ki capave prend courant directement depi dans central. Bizin ena gros difil pou faire ça travail-là. Quant à banne difil mince, zotte bizin passe par ene transformateur pou prend courant. Sinon pas seulement li pas pou gagne courant, li pou brulé.

Soufi et Soufisme

Le Soufisme c’est ene branche dans Deen pareille couma Tafseer, hadice et fiqh c’est banne branches dans Deen. Fiqh li traite banne sujets et banne problèmes extérieur couma Tahaarat, namaz, roza, hajj, nikah, talaaq, l’héritage etc. Le Soufisme c’est ene branche ki traite la purification de l’intérieur. Ça même ki nou appelle li Tazkiyat-un-nafs ou bien Tahzeeb-ul-akhlaaq. Ene personne ki suive ça traitement-là ou bien ene personne ki dans ça domaine-là nou appelle li ene Soufi. Ça personne ki dispose ça traitement-là li ene Mourshid ou ene Sheikh.

Suive Imam et Yahya Bin Said Al-Qattaan

Yahya Bin Said Al-Qattaan ti ene très grand ‘Aalim et célèbre érudit dans matière de hadice. So domaine principal c’était la vérification de hadice. Banne célèbres ‘Oulama et savants de hadice de Deen couma Imam Ahmad Bin Hambal, Yahya Bin Ma-ïne et Ali Bin Al Madeeni (rahmatoul-laahi ‘alayhim) fine apprane dans ça domaine-là avec li. Malgré tous ça connaissance ki li ti ena là, li ti pé donne fatwa et renseignements dans Deen d’après l’opinion et recherche Imam Abou Hanifah (rahmatoul-laahi ‘alayh).

Rejette hadice

Banne hanafi zotte rejette plusieurs hadice ki trouve dans Saheeh Boukhari tel couma hadice Raf-ul-Yadayn. C’est ene objection ki certaine dimoune faire, ziste pou embette banne dimoune et mette confusion dans zotte l’esprit.

Reconnaissance

Quand kikene fine faire ou ene faveur, bizin ena reconnaissance pou ça. Reconnaissance li ene très bon manière ki trouve dans tous banne bon dimoune. Et banne dimounes ki disons pas tellement bon aussi pas content appelle zotte ingrat. Parceki reconnaissance li ene kitchose ki trouve dans banne z’animau couma li chien aussi.

Manque de reconnaissance ou l’ingratitude li pas manière ene bon dimoune.

Mouqallid

Mouqallid veut dire ene dimoune ki suive so Deen d’après explication et interprétation ene de 4 Imams. Oui ! Li suive ene seul là-dans. Pas ene-ene coûte sanla et parfois l’autre-là. Astere soit li suive Imam Abou Hanifah  ou bien Imam Malik ou soit Imam Shafe’i ou bien Imam Ahmad Bin Hambal (rahmatoullaahi ‘alayhim). Li trouve li en sécurité concernant so Imaan et so Deen dans suive ene seul là-dans. Dans suive parfois sanla et parfois l’autre-là, li trouvé ki li pas pé suive Deen, li pé suive so désir.

مجتهد Et اجتهاد

Dans Shariah ki représenté particulièrement par Qour’aan-e-Kareem et hadice, ena deux qualités la loi:

(a)           منصوص

(b)          غير منصوص

(a)           منصوص C’est ene la loi ki mentionné explicitement et clairement.

Syndicate content