Skip to Main Content Area

Ene dimoune so l'honneur trouve dans so l'honnêteté, so la force dans so sincérité, et so beauté dans so simplicité. Hazrat Mufti Meerun Sahib (Rahimahullah)

Taqleed-Mazhab

Donne public la liberté pou suive ceki li content

“Donne public la liberté ou le choix pou suive ceki li content, veut dire donne couteau dans la main ene zenfant”

[Extrait de Al Jamiat Vol.2 No.4]

Taqleed-Mazhab

Hazrat Abou Bakr siddique ‎(Radiyallahou anhou‎)‎ :-

Révélation fine arrêté et Deen fine complété. Eski capave diminué (kitchose) depi là-dans quand tandis ki mo encore vivant ?

Taqleed-Mazhab

Ena ene limite pou tout kitchose. Couma l’intelligence, imbécillité aussi ena ene limite. Et ça li paraite pli ridicule quand ça vine de coté ene ki prétende ki li ena connaissance. Ena des fois zotte déclare zotte tellement fort ki zotte pas bizin suive aukene Imaam. Zotte déclare zotte même tout. Couma parfois zotte senti zotte tellement faible ki zotte attrape tout feuillage ki zotte gagné pou sauve zotte la vie. Parfois ou reste calculé eski ene dimoune ki ena l’intelligence même ki pé cause coumsa !

Taqleed-Mazhab

Quand to pou comprend ????

Quand to perna pou accepté, perna personne ki capave faire toi comprend. Parceki si to pas pé montré aukene signe de compréhension, li pas acoze ki to pas capave comprend. To comprend toi mais to pas oulé comprend. Quand to pas oulé comprend, hadice Saheeh aussi vine faible pou toi. Laisse hadice - Dans ene certaine moment, to déclare pas comprend certaine versets dans Qour’aan aussi. Qour’aan dire dimoune mort fine déjà revive et toi to dire ki banne fou et banne ki perna l’esprit ki capave accepté banne fantaisies pareille.

Taqleed-Mazhab

As-Sawaad-ul-a'zam

As-Sawaad-ul-A'zam ou la plus grande majorité c'est ene kikchose ki Shariah fine mette l'emphase pou suive dans pratique Deen. Casse bande avec As-Sawaadul-A'zam li représente l'égarement ki ena ene résultat bien néfaste. Rassoulou-laah ‎(Sallallaahou A'laihi Wasallam)‎ fine dire:

"Suive As-Sawaad-ul-A'zam (la plus grande majorité) perceki celui ki pou isole li avec As-Sawaad-ul-A'zam li pou être être envoyé dans l’enfer".

Taqleed-Mazhab

Imam Abou Hanifah (rahmatoul-lahi ‘alayh)

Ena banne hadices fine être rapporté pou prouve grandeur Imam Abou Hanifah (rahmatoul-laahi ‘alayh). Par exemple, selon ene hadice Rassouloul-laah ‎(Sallallaahou A'laihi Wasallam)‎ fine dire: “Certainement Adam ‎(Alaihis Salaam)‎‎ li fier de moi et moi mo fier de ene personne dans mo Oummat ki appelle ‘Nou’maan’. C’est la lumière de mo Oummat.”