Haïz

Quand ene madame faire ene fausse couche, alors bizin guetté si ceki fine dessane-là li ena kit forme le corps ki capave distingué. Si ena kit organe ki fine formé, alors ça li considéré couma ene bébé c'est-à-dire couma ene l’accouchement. Si ene madame ti dans iddat de talaaq ou bien li ti pé observe iddat pou so missié ki fine mort, alors so iddat pou terminé par ene fausse couche pareil. Mais si pena narien ki capave distingué, alors c’est ene saignement.

“Ene madame ki en état haiz et ene personne ki en état janaabat bizin pas lire narien comme Qour’aan.” (Tirmizi)

Explication :

Ene personne bizin ena roussal lors li pou li gagne droit lire Qour’aan. Si li perna roussal acoze ki li dans so haiz, ou bien nifaas ou bien li en état janaabat, alors li pas gagne droit lire Qour’aan. Dans ene l’état pareil, lire par cœur sans touche Qour’aan aussi, pas gagne droit lire Qour’aan.

[Extrait de Al Jamiat Vol.2 No.14]