Qaza

Combine deux namaz dans ene seul l'heure

Couma faire ene namaz Qaza li ene péché grave, coumsa même combine deux namaz dans ene seul l'heure aussi li ene péché grave. Par exemple si ene dimoune faire namaz Zohar et Assar dans l'heure de Assar ou bien dans l'heure de Zohar, alors ça li ene péché bien grave. Parceki par accomplir namaz dans ça façon-là, la personne li casse l'ordre Qour'aan-e-Kareem et hadice ki oblige faire chaque namaz dans so l'heure prescrit.

Faire namaz vine Qaza

D'après Qour'aan-e-Kareem et hadice de Nabi ‎(Sallallaahou A'laihi Wasallam)‎, chaque namaz ena ene l'intervalle le temps ki bizin faire li là-dans. Si fine faire ene namaz avant so l'heure, alors ça namaz-là li pas compté. Et si fine faire li après ça l'heure-là, ça namaz-là vine Qaza. D'après l'ordre Qour'aan-e-Kareem et l'enseignement de Nabi ‎(Sallallaahou A'laihi Wasallam)‎, couma li faraz et obligatoire pou faire 5 fois namaz faraz, coumsa même li obligatoire pou faire li dans zotte l'heure ki fine fixé pou faire li.

Néglige namaz

Néglige namaz li ene péché bien grave. Li tellement grave ki dans certaine hadice fine qualifié ça de kufr. Ki péché capave pli grave ki kufr? Selon ene hadice ki trouve dans Mousnad Ahmad, ene personne ki néglige namaz pou ensemble avec Qaroun, Fir'aun, Hamaan et Ubayy Bin Khalaf. Ça quatre dimoune-là c'étaient banne pire kaafir et banne bien mauvais dimoune. Donc néglige namaz li tellement grave ki li faire la personne vine dans groupe et rang banne pire kaafir.

Syndicate content